Recent Posts

Breaking News

Viber group chat sa Talisay police


USA ka Viber group chat ang gihimo sa Talisay City Police Station (TCPS) nga anaa tanan mga presidente sa mga subdivision sa dakbayan nga labing dali ug paspas nga komunikasyon tali sa kapulisan sa dakbayan.

Kon dunay nagkinahanglan og tabang o pagtubag sa pulis sa mga subdibisyon sa maong siyudad, mahimong mo-chat dayon sa Viber group chat.

Matod ni Police Major Gerard Ace Pelare, hepe sa TCPS, mao kini ang ilang usa sa nauyonan atol sa ilang pakigtagbo sa mga presidente sa mga subdibisyon.

Matod ni Pelare, pinaagi niini makapahibalo dayon ang mga presidente sa ilang subdibisyon kon dunay usa sa mga residente nga nagkinahanglan og ayuda sa pulis.

Kini gihimo atol sa ilang panagtagbo kagahapon sa buntag ug hapon, Nobiyembre 15, atol sa duha ka hugna nga panagpulong sa mga presidente sa subdibisyon ug kapulisan sa Talisay.

Dugang ni Pelare nga ila kining gihimo aron mapakgang ang mga kawatan ug ubang krimen nga mosiaw ningf nag-angat ang pasko. (BBT)


Source: Sun.Star Superbalita (https://www.sunstar.com.ph/article/1877059/Superbalita-Cebu/Balita/Viber-group-chat-sa-Talisay-police?ref=rss&format=simple&link=link)

No comments