Recent Posts

Breaking News

Tigbakay gironda, 11 nadakpan; pulis giingong nagpasiugda


ONSE ka mga tawo nga nagtigbakay sa Purok Caimeto, Barangay Lataban, bukirang dapit sa lungsod sa Liloan ang nangadakpan sa mga sakop sa Provincial Intelligence Unit (PIU) nga gipangulohan ni Police Lieutenant Colonel Randy Korret alas 2:45 Sabado sa hapon, Nobiyembre 21, 2020.

Nakadawat og impormasyon ang kapulisan sa probinsya labot sa tigbakay sa maong lugar gikan sa usa ka concerned citizen.

Ang tigbakay giingong gipasiugdahan sa usa ka pulis.

Dali nga gisusi sa mga personnel sa PIU apan sa pag abot sa mga operatiba, mialibwag sa pag panagan ang mga sugarol, ang uban nangahulog pa sa pangpang.

Lakip matod pa sa nakadagan ang duha ka pulis nga padayon pang giila sa pagkakaron.

Matod ni Korret nga iya nang gipaila kon kinsa ang duha ka pulis nga maoy nagpasiugda sa tigbakay. (AYB)


Source: Sun.Star Superbalita (https://www.sunstar.com.ph/article/1877601/Superbalita-Cebu/Balita/Tigbakay-gironda-11-nadakpan-pulis-giingong-nagpasiugda?ref=rss&format=simple&link=link)

No comments