Recent Posts

Breaking News

‘Tigas’ sa barangay nadakpan sa buy-bust


Giilang tigas sa sitio Back Rubber World, Barangay Basak San Nicolas ,Siyudad sa Sugbo nasikop sa gilusad nga buy-bust sa mga sakop sa City Intelligence Unit (CIU)sa Cebu City Police Office alas 11:55 sa gabii, Nobiyembre 17, 2020.

Ang nasikop giila nga si Vevelusal Magallanes Abarquez, alyas “Bokya,” 54, nagpuyo ra usab sa maong dapit.

Nakuha gikan kang Abarquez ang mga pinaketeng shabu nga motimbang og 7 gramos nga mobalor og P47,600.

Matod ni Police Major Randy Caballes, hepe sa CIU, nga nagsugod sa iyang illegal nga negosyo si Abarquez kapin sa usa ka tuig na ang nakalabay.

Gitokhang na siya sa Mambaling police station ug barangay officials sa Basak San Nicolas, apan wa mohunong.

Human makadawat og impormasyon nga nagpadayon gihapon sa iyang illegal nga negosyo si Abarquez, gipanid-an siya sud duha ka mga semana.

Ang iyang area of operation mao ang mga silingang barangay sa Basak San Nicolas.

Makabaligya siyag 10 ngadto na sa 20 gramos matag semana.

Ngan sa supplier ni Abarquez gipugngan ning mantalaan kay dunay follow-up operation ang kapulisan. (AYB)


Source: Sun.Star Superbalita (https://www.sunstar.com.ph/article/1877215/Superbalita-Cebu/Balita/Tigas-sa-barangay-nadakpan-sa-buy-bust?ref=rss&format=simple&link=link)

No comments