Recent Posts

Breaking News

Sinas nia sa Cebu


Sa labing unang higayon human siya matudlo nga pangu sa Philippine National Police (PNP), moduaw sa Sugbo karong Sabado, Nobiyembre 21, si Police General Debold Sinas.

Nibiya siya sa Sugbo human natudlong director sa National Capital Regional Office (NCRPO) niadtong Oktubre 2019.

Matod ni Police Brigadier General Albert Ignatius Ferro, hepe sa kapulisan sa Central Visayas, moabot si Sinas aron pagsusi sa nahuman na nga molecular laboratory nga naa nahimutang sa Camp Sotero Cabahug sa Cebu City Police Office.

Gitakda usab siya nga makigkita kang Cebu Archbishop Jose Palma sa Archbishop Palace alang sa usa ka thanksgiving mass.

Isunod dayon ang arrival of honors sa ala una sa hapon sa PRO 7 headquarters sa Camp Sergio OsmeƱa.

“Our chief PNP chose Central Visayas, particular Cebu, to celebrate a thanksgiving through a prayer and a visit to the troops,” matod ni Ferro.

Human sa programa, himuon dayon ang command conference sa mga official sa PRO-7 alang sa iyang mga direktiba nga ipatuman ilabi na nga dinhi gikan si Sinas.

Dugang ni Ferro nga adunay 41 ka kamandoan nga gipasupot ang PNP chief nga nagsentro sa operational ug administratiba nga trabaho sa kapulisan.

Usa sa mga gihatagan og highlight ni Sinas ang mando ni President Rodrigo Dutertenga pagpakusog pa sa kampanya batok sa illegal nga drugas nga gihimo na sa PRO-7.

Si Sinas ang ika-25 nga hepe sa kapulisan lukop nasud human siya itudlo ni Duterte bisan nakasugat kinig kontrobersiya sama sa gihimong manyanita niadtong Mayo atol sa iyang birthday taliwa sa pagpatuman sa estriktong health protocol. / AYB


Source: Sun.Star Superbalita (https://www.sunstar.com.ph/article/1877514/Superbalita-Cebu/Balita/Sinas-nia-sa-Cebu?ref=rss&format=simple&link=link)

No comments