Recent Posts

Breaking News

'Salamat' ikalipay sa frontliners


MAGSAYSAY, Davao del Sur -- Angayang pasalamatan sa mga nakarekober sa Covid-19 ang mga frontliners nga maoy naningkamot pag-atiman kanila samtang gipailawom pa sila sa kwarentinas.

Gibutyag ni Dr. Arthur Navidad, Municipal Health Officer sa lungsod, nga dako na kaayo ang kalipay sa mga frontliners kung makadawat og mga pulong "salamat" gikan sa mga pasyente nga naayo sa Covid-19.

Nasayran nga bisan gipailawom sa 14-day quarantine ang mga na-isolate nga pasyente, mas grabe sab ang duty sa mga frontliners sanglit tagpito ka adlaw sab ang ilang pagbantay.

Human sa ilang trabaho sa isolation unit, apil sab ang mga frontliners nga mopailawom sa 14 ka adlaw nga kwarentinas una sila makauli sa ilang tagsa ka pamilya.

Nasayran nga anaa pa sa 32 ka indibiduwal ang anaa sa Barangay Isolation Unit ug 20 ang gibutang sa border quarantine center.

Sa datus sa MHO, duha na lang ang aktibong kaso sa lugar human nga 14 ang nakarekober, usa ang gibantayang suspek ug 33 ang anaa sa strict home quarantine.

Niadtong Miyerkules, gitanggal na ni Mayor Arthur Davin ang lockdown sa Purok 1 ug 8 sa Brgy. Site Kasuga, ilawom sa rekomendasyon ni Dr. Navidad human migawas nga negatibo ang real-time reverse transcription polymerase chain reaction (RT-PCR) test sa mga naka-close contacts sa nagpositibong pasyente gikan sa silingang mga lungsod. (Orlando B. Dinoy)


Source: Sun.Star Superbalita (https://www.sunstar.com.ph/article/1877349/Superbalita-Davao/Balita/Salamat-ikalipay-sa-frontliners?ref=rss&format=simple&link=link)

No comments