Recent Posts

Breaking News

Puwersa sa NPA sa Soccsksargen mikaging


HALOS mapapas na ang puwersa sa New People’s Army (NPA) nga naglihok sa Soccsksargen.

Kini gumikan sa gipalig-on nga operasyon sa militar ug kapulisan batok sa mga rebelde nga maoy hinungdan sa pagsurender sa ilang mga miyembro lakip na mga opisyal.

Kini ang gibutyag ni Noel Legaspi alyas Kumander Efren nga kanhi tigpamaba sa Far South Mindanao Regional Revolutionary Committee sa NPA.

Matud ni Kumander Efren nga dunay mga nahibilin nga grupo sa mga NPA apan misamot og kahinay.

Nahibaluan nga moabot 200 ka NPA ang mibalik sa sabakan sa balaod sugod tuig 2017 sa Soccsksargen.

Daghan pa nga angay himuon ang gobyerno ilabina sa mga hilit nga dapit sa Central Mindanao aron dili na maka-impluwensiya ang NPA ug makarekrut sa mga bag-ong miyembro niini.

Gawas sa military offensives, kinahanglan nga ipadayon sa gobyerno ang socio-economic services sa kabukiran nga gilubluban sa mga walhong pundok. (Edgar Fuerzas)


Source: Sun.Star Superbalita (https://www.sunstar.com.ph/article/1877028/Superbalita-Davao/Balita/Puwersa-sa-NPA-sa-Soccsksargen-mikaging?ref=rss&format=simple&link=link)

No comments