Recent Posts

Breaking News

Panagtapok gibasol pagsulbong sa Covid


ANG Emergency Operation Center (EOC) nitumbok sa mga panagtapok nga maoy nag-unang hinungdan sa kalit nga pagsaka sa mga kaso sa coronavirus disease (Covid-19) sa Dakbayan sa Sugbo gikan sa single digit sa nanglabay nga mga semana ngadto sa double digit sa nakalabay nga mga adlaw.

Atol sa pagbisita ni Environment Secretary Roy Cimatu, overseer sa Covid response sa Dakbayan sa Sugbo sa Lunes sa buntag, Nobiyembre 17, ang matang sa mga panagtapok nga nakaingon sa pagsulbong sa mga kaso.

Si Konsehal Joel Garganera, deputy chief implementer sa EOC, nagkanayon nga sa 292 ka aktibong mga kaso sa Covid, 30 ang anaa sa ospital, pipila kanila adunay sintomas sa dengue ug usa ang gi-intubate.

Ang mayoriya naa sa quarantine facility kay sagad kanila mga asymptomatic. Dunay pipila nga mild ngadto sa moderate ang mga simtomas.

Giklaro ni Garganera nga ang gusto sa Siyudad nga buhaton sa publiko mao ang pagtuman sa mga health protocol. (PAC)


Source: Sun.Star Superbalita (https://www.sunstar.com.ph/article/1877063/Superbalita-Cebu/Balita/Panagtapok-gibasol-pagsulbong-sa-Covid?ref=rss&format=simple&link=link)

No comments