Recent Posts

Breaking News

Lolo giatake pagromansa, patay


GIATAKE sa kasingkasing ang ang 64 anyos nga lolo human nisugod nag romansa 28 anyos niyang hinigugma sa alas 4 sa hapon, Nobiyembre 16, sa lawak sa usa ka beach resort sa lungsod sa Compostela.

Si Rustico (di tinuod nga ngan) usa ka retiradong kawani sa gobiyerno, taga lungsod sa Consolacion. Ang iyang hinigugma minyo, taga lungsod sa Catmon.

Si Police Captain Vincent Zozobrado, hepe sa Compostela Police Station nga nahinabi sa Superbalita Cebu, nagkanayon nga si Fe (di tinuod nga ngan) nibutyag nga nag-date sila sa iyang uyab nga 64 anyos sakay sa sakyanan niini.

Samtang didto na sila sa lawak, nag-estorya sila makadiyot, dayon nagsugod sila sa kalipay.

Dihang hubo na silang duha, nagsige na og hikap sa nagkadaiyang pribadong parte sa iyang lawas ug nagkaagresibo, kalit nga nihunong, nireklamo nga sakit ang iyang dughan. Nilingkod sa lingkuranan si Rustico dayon natumba sa sawog.

Si Fe daling mitawag sa mga staff sa resort aron tabangan. Nanawag sila og ambulansiya sa Compostela ug gihatod sa Cebu Provincial Hospital sa dakbayan sa Danao.

Apan si Dr. Dennis Padoga, Jr. mideklarar kang Rustico nga dead-on-arrival (DOA).

“Ana ang babaye nga sa ka-excited sa iyang 64 anyos nga hinigugma, sige ungad, hawok sa iyang dughan, kalit nga gisakitan sab sa iyang dughan. Giatake na diay sa kasingkasing,” matod ni Zozobrado.

Si Fe nibutyag nga bag-uhay palang silang nagka-uyab pinaagi sa Facebook ug kahigalaan. (GPL)


Source: Sun.Star Superbalita (https://www.sunstar.com.ph/article/1877156/Superbalita-Cebu/Balita/Lolo-giatake-pagromansa-patay?ref=rss&format=simple&link=link)

No comments