Recent Posts

Breaking News

LMP-Cebu modonar og P.5M sa Cagayan province


HUMAN nasuta ang lapad nga kadaot nga namugna sa Luzon area gumikan sa bagyong Ulysses, gikatakda nga mo-donate og moabot P500,000 ang League of Municipalities of the Philippines (LMP) Cebu sa Probinsya sa Cagayan.

Ang maong lakang subay sa nahiusahan sa mga kadagkoan sa mga lungsod ug syudad sa Probinsiya sa Sugbo.

Kini maoy gipahibaw ni LMP President ug Liloan Mayor Christina Frasco atol sa tigom sa mga mayor.

“We are sending the Php 500,000 in financial assistance as a sign of solidarity with our fellow Mayors and our brothers and sisters in Cagayan. During this time of immeasurable suffering, may the Cebuanos’ compassion and empathy for our fellow Filipinos be a beacon of hope that together, we shall rise again,” matod ni Frasco.

Dugang sa mayor nga nahinabi na niya ang pangulo sa LMP Cagayan Mayor Vicente Pagurayan sa lungsod sa Santo NiƱo nga nagpasalamat usab sa maong tabang.

Mipasalig si Pagurayan nga mopahigayon og tigum ang LMP Cagayan alang sa pag apod-apud sa hinabang alang sa mga nabiktima sa 28 ka mga lungsod.

Bisan wala direktang moigo ang bagyong Ulysses sa isla sa Sugbo, nanawagan usab ang mga kadagkoan sa mga konstituente niini sa pagpaambit og tabang sa mga nabiktima sa makalilisang nga pagbaha sa Tugegarao, Cagayan Valley ug Isabela sa kaulohan. (ANV)


Source: Sun.Star Superbalita (https://www.sunstar.com.ph/article/1877058/Superbalita-Cebu/Balita/LMP-Cebu-modonar-og-P5M-sa-Cagayan-province?ref=rss&format=simple&link=link)

No comments