Recent Posts

Breaking News

Limited face-to-face nga klase iduso ni Soco


GIKATAKDA nga moduso og resolusyon si Bokal Glenn Anthony Soco sa sixto distrito ngadto sa Cebu Provincial Board nga nagsuporta sa proposal sa Department of Education (DepEd) sa pag resume na sa limited face-to-face classes sa pampublikong mga tunghaan.

Kini maoy nadesisyonan atol sa pagduaw ni DepEd 7 Director Dr. Salustiano Jimenez atol sa sesyon sa Hunta Probinsyal.

Gisugyot ni Jimenez nga ang pagpahigayon og face-to-face nga klase kun physical classes posible sa mga pampublikong tunghaan sa kabukiran ug isla nga may labing menos nga gidaghanon sa mga tinun-an.

Dugang niya nga subay sa maong lakang, kinahanglan nga mosubay gihapon sa health ug safety protocol ang mga tinun-an ug kinahanglan nga subayon ang pag physical distancing.

Usa sa mga suyot sa DepEd ang duha ka adlaw nga physical class matag semana ubos sa 50 porsyento lang nga kapasidad.

Ang unang duha ka adlaw igahin alang sa physical class samtang ang nahabiling mga adlaw, blended learning ang paagi sama sa modules, radio-based teaching, online ug uban pa.

Ang DepEd miduso na sa proposal sa Regional Inter-Agency Task Force (RIATF) nga gikatakda nga tukion sa National IATF.

Una nang nipahibaw si Jimenez nga nakadawat sila og 160 ka mga resolusyon gikan sa nagkalainlaing LGU ug Parent Teachers Association nga nag request sa pag-resume na sa face-to-face classes sa Central Visayas.

GISUPORTAHAN

Subay niini, suportado sa League of the Municipalities of the Philippines (LMP) ang maong lakang.Usa ka resolusyon 2020-07 nga nag suporta sa DepEd ang giluwatan sa LMP pinangulohan sa ilang pangu Liloan Mayor Christina Frasco.


Source: Sun.Star Superbalita (https://www.sunstar.com.ph/article/1876896/Superbalita-Cebu/Balita/Limited-face-to-face-nga-klase-iduso-ni-Soco?ref=rss&format=simple&link=link)

No comments