Recent Posts

Breaking News

Lalakeng gipatay, gilabay giila sa mga kabanay


Duna nay mga kabanay nga niila sa lawas sa usa ka lalake nga napalgan sa Huwebes sa buntag, Nobiyembre 19, 2020 sa awaaw nga dapit padung sa Divine Mercy Shrine sa Barangay Garing, bukirang lugar sa lungsod sa Consolacion, Cebu.

Apan si Police Major VerniƱo Noserale, hepe sa Consolacion Police Station, nihangyo nga di una nganlan ang biktima hangtod nga maablihan ang nawong niini nga giputos og duct tape.

Matod ni Noserale nga mga alas 11 sa buntag dunay mga kabanay nga nangadto sa punerarya nga nitumbok sa tattoo, katapusang gisul-ob nga mga sapot ug height nga ilang basihanan sa nawala nilang kabanay.

Bisan kon 70 porsyento nang nailhan ang mao nga lalake, nisulti si Noserale nga ilang huwaton ang pagtangtang sa duct tape ni Dr. Benjamin Lara, medico legal officer sa Philippine National Police (PNP), aron gyud pagkompirmar.

Apan nagduda si Noserale kon maporma pa ba ang nawong kay nagdugta na ang lawas nga gibana-bana niyang duha ka adlaw nang namatay.

Ang lawas sa lalake nga gigapos, giputos ang nawong, dunay mga samad sa dughan ug buko-buko, apan di pa madeterminar kon agi ba sa dinunggaban o pusil. (GPL)


Source: Sun.Star Superbalita (https://www.sunstar.com.ph/article/1877344/Superbalita-Cebu/Balita/Lalakeng-gipatay-gilabay-giila-sa-mga-kabanay?ref=rss&format=simple&link=link)

No comments