Recent Posts

Breaking News

Laboratoryo nga mo-test sa Covid gibuksan


Hingpit na nga gibuksan ang laing molecular laboratory sa Central Visayas nga gitukod sa sulod sa Cebu City Police Office sa Camp Sotero Cabahug, Gorordo Avenue, Dakbayan sa Sugbo.

Mismo ang pangulo sa kapulisan nasud, General Debold Sinas, ang mibukas niini sa Sabado sa buntag, Nobiyembre 21, 2020. Nangulo uban kang Sinas si Department of Health (DOH) 7 Regional Director Jaime Bernadas.

Ang building gigastohan og P10 milyones sa Philippine National Police. Ang laboratoryo maka process og 300 ngadto sa 400 ka swab samples matag adlaw.

Kini ang labing unang molecular laboratory nga natukod gawas sa Campo Crame sukad sa pagtumaw sa coronavirus disease (Covid-19) sa Sugbo. (AYB)


Source: Sun.Star Superbalita (https://www.sunstar.com.ph/article/1877598/Superbalita-Cebu/Balita/Laboratoryo-nga-mo-test-sa-Covid-gibuksan?ref=rss&format=simple&link=link)

No comments