Recent Posts

Breaking News

Kanhi OFW, ex-con nakuhaan og 1 kilong shabu


Kanhi mayor sa selda uno sa female jail facility sa Cebu City Jail sugaton na unya pagbalik sa iyang mga kauban sa bilanggoan human nadakpan pagbalik sa mga operatiba sa City Intelligence Unit (CIU) sa Cebu City Police Office (CCPO) sa usa ka buy-bust sa Biyernes sa buntag, Nobiyembre 19, 2020.

Si Police Major Randy Caballes, hepe sa CIU ug nangu sa anti illegal drug operation, niila sa suspek nga si Jeanneth Gadiane Abayan, 33, lumad nga taga Barangay Duljo Fatima, Siyudad sa sugbo.

Atol sa buy-bust, nasakmit gikan kang Abayan ang kapin usa ka kilo sa gituohang shabu nga dunay Dangerous Drugs Board (DDB) value nga P6.9 milyones.

Si Abayan nag-abang og balay sa Barangay Tisa, Siyudad sa Sugbo hayan sa pagtuo nga makaipsot gikan sa kapulisan kay way nakaila kaniya sa dapit, matod ni Caballes.

Si Abayan naa na gibilanggo sa CCPO detention cell samtang nagpaabot sa pagpasaka sa kasong pagpamaligyag illegal drugs.

Si Abayan nakagawas sa prisohan pinaagi sa pagpahimus sa plea bargaining agreement.

Matod ni Caballes nga duha ka tuig nga OFW si Abayan sa Middle East ug mobalik na unta apan naabtan sa quarantine sayo ning tuiga. (BBT)


Source: Sun.Star Superbalita (https://www.sunstar.com.ph/article/1877339/Superbalita-Cebu/Balita/Kanhi-OFW-ex-con-nakuhaan-og-1-kilong-shabu?ref=rss&format=simple&link=link)

No comments