Recent Posts

Breaking News

Kagawad nakuhaan og shabu sa sakyanan


ARESTADO ang usa ka barangay kagawad sa usa sa mga barangay sa Tagum City human nakuhaan og gituohang shabu sud sa iyang gimaneho nga sakyanan Lunes sa buntag, Nobyembre 16, 2020, didto sa Licanan Checkpoint, Lasang, Davao City.

Sumala ni Police Major Noel Villahermosa, hepe sa Bunawan Police Station, usa ka high-value target (HVT) ang suspek, sanglit usa kini ka aktibong kagawad sa barangay.

Nasayran nga dihang nagpahigayon og fixed checkpoint ang Task Force Davao ug Bunawan police ilang nakuha sa posisyon sa kagawad ang pakite sa gituohang shabu.

“Naa sa .542 gram and street value nga P500 ug one unit Ford Everest color black bearing plate no. LAA1373 ang anaa sa atong custody alang sa pagpasaka og kaso sa dinakpan didto sa korte,” ingon ni Villahermosa. (Jeepy P. Compio)


Source: Sun.Star Superbalita (https://www.sunstar.com.ph/article/1877031/Superbalita-Davao/Balita/Kagawad-nakuhaan-og-shabu-sa-sakyanan?ref=rss&format=simple&link=link)

No comments