Recent Posts

Breaking News

Jeepney drivers sa Mandaue makalukat na og special permit


MAKALUKAT na og special permit ang mga traditional public utility jeepney aron makabalik na sila sa pagbyahe sa kadalanan sa dakbayan sa Mandaue.

Base sa post ni Hyll Retuya, ang chief-of-staff ni Konsehal Jimmy Lumapas, ang pangu sa Committee on Transportation, nga buksan sa dakbayan sa Mandaue ang one-stop-shop sa paglukat og special permit alang sa mga jeepney drivers ug operators sugod sa adlawng Miyerkules og Huwebes, Nobiyembre 18-19, ngadto sa Mandaue City Cultural and Sports Complex.

Gikatagbo pa ni Lumapas silang Arnold Malig-on, ang operations head sa Traffic Enforcement Agency of Mandaue (Team), Architect Marlo Ocleasa ug Atty. Christie Marie Alga, sa City Planning and Development Office, aron sa paghan-ay sa proseso sa paglukat sa special permit karong umaabot nga Miyerkules ug Huwebes. (KFD)


Source: Sun.Star Superbalita (https://www.sunstar.com.ph/article/1876998/Superbalita-Cebu/Balita/Jeepney-drivers-sa-Mandaue-makalukat-na-og-special-permit?ref=rss&format=simple&link=link)

No comments