Recent Posts

Breaking News

Hubog nalumos sa dagat sa Barili


Dead on arrival sa Barili District Hospital ang usa ka 44 anyos nga lalakeng hubog human malumos sa dagat nga taga hawak lang ang giladmon niadtong Martes sa gabii, Nobiyembre 17, sa Barangay Sayaw, lungsod sa Barili, Sugbo.

Si Police Captain Romeo Caacoy Jr., hepe sa Barili Police Station, miila sa biktima nga si Victor Capa Alcoy, 44, Sityo Tambisan, Barangay Mantalongon sa maong lungsod.

Sa imbestigasyon sa Barili Police Station, nasayran nga si Alcoy kuyog ang iyang mga paryente nag night swimming kay adlaw nga natawhan sa iyang pag-umangkon.

Sa wala pa ang insidente, si Alcoy nalingaw pa kini og inom uban sa mga paryente.

Dihang nahubog na ,naligo kini uban sa mga paryente, apan natinga ang uban nga wa na makatunga si Alcoy gikan sa dagat nga hawakan ang gilawmon.

Sa ilang pag pagpangita, ilang nakaplagan si Alcoy nga wa nay panimuot. (BBT, GPL)


Source: Sun.Star Superbalita (https://www.sunstar.com.ph/article/1877216/Superbalita-Cebu/Balita/Hubog-nalumos-sa-dagat-sa-Barili?ref=rss&format=simple&link=link)

No comments