Recent Posts

Breaking News

Hikay sa piyesta sa Lapu limitado


Gitugotan ang maghikay sa piyesta sa Lapu-Lapu atol sa piyesta sa Mahal nga Birhen sa Regla, apan limitado kini sa mga sakop sa pamilya.

Hingpit nga gidili ang ilimnong makahubog.

Mao kini ang gipahibawo ni Lapu-Lapu City Mayor Junard Chan nga niluwat og executive order (EO) kalabot sa guidelines nga sundon sa kapistahan karong Nobiyembre 20 ug 21, 2020.

Gawas niini, nalatid sa EO nga gitugot ang pagpahigayon og social ug cultural activity apan kinahanglan mokuha og permit sa Tourism, Cultural, and Historical Affairs Commission (THCAC).

Ang magpahigayon sa naasoyng mga kalihukan nga walay permit makonsiderar nga ilegal.

Kinahanglan usab mokuha og permit sa kagamhanan ang planong maninda atol sa kapistahan sa Office of the Mayor apan kinahanglan nga residente ra usab sa dakbayan.

Tagaan kini og indentification (ID) card sa kagamhanan ug kinahanglan magsul-ob kanunay ug face mask ug mosunod gihapon sa curfew sa kagamhanan.

Ang itinda mao lang ang religious artifacts, kandila, buwak, balloon, pagkaon, souvenir items, ubang produktong Oponganon ug ubang produktong aprobahan sa kagamhanan.

Adto ra sa Risdon Street mahimomg makatinda og buwak, balloon ug religious artifacts.

Samtang sa JP Rizal Street, ang pagkaon ug ubang mahimong itinda. / GCM


Source: Sun.Star Superbalita (https://www.sunstar.com.ph/article/1876817/Superbalita-Cebu/Balita/Hikay-sa-piyesta-sa-Lapu-limitado?ref=rss&format=simple&link=link)

No comments