Recent Posts

Breaking News

Grupo sa kanhi rebelde gitabangan sa SLP-Pamana


NAGPUYO nga nagtagotago lisod ug delikado. Mao kini ang kinabuhi sa 81 ka mga kanhi rebelde nga nipili mausab ang dagan sa ilang kinabuhi.

Mas nagiyahan kini sa Department of Social Worker and Development (DSWD) pianaagi sa Sustainable Livelihood Program (SLP).

Ubos sa SLP special project nga gitawag og Payapa at Masaganang Pamayanan (Pamana), ang kinabuhi sa 81 ka mga kanhi rebelde nausab karon.

Ang Pamana usa ka priority program sa kagamhanan nga nagsuporta sa Peace Negotiation Track ug gitumong sa pagkab-ot sa usa ka malahutayong kalinaw.

Niadtong Mayo 2017, kini nga mga rebelde sa Barangay Siapo, lungsod sa San Jose, Negros Oriental ninghimo sa unang lakang ngadto sa bag-ong kalibotan sa SLP-Pamana.

NIapil sila sa mga tigom. Ang proyekto gidesenyo sa pagtubag ug pagpalig-on sa peace-building, reconstruction ug kalamboan sa dapit nga apektado sa kasamok o rebelyon.

Sukad ang SLP-Pamana sa paglusad sa socio-economic capacity sa mga komunidad ug mga pamilya, ang 81 ka mga kanhi sa rebelde nagparehistro sa Hiniusang Magbabaol sa Siapo Association, nagsugyot sa rice retailing business sa pagpaumeno sa ilang ekonomikanhong kahimtang.

“Dako ang kalahian. Sauna mahadlok mi mogawas, karon dili na. Makahalobilo nami ni bisan kinsa dili na kami mag tago-tago kay mahadlok sa militar. Wa mi masayop sa among decision dako og natabang ang gobyerno sa amoa, especially sa pundo capital sa among negosyo ,” matod nmi Jullen Corpuz, business operations manager (BOM).

Dugang niya, “Nakatabang og dako ang proyekto sa mga myembro ug mga lumulupyo tungod kay pareho rman ang among presyo sa lungsod, dili na kinahanglan mo plete pa og dako para moadto sa lungsod.’

“The association has helped us, the members, a lot. We always look forward to the profit share that we get from our business...” dason niya.

Ang Hiniusang Magbabaol sa Siapo Association nibarog sa iyang pangalan. Nagpabiling nagkahiusa. Ngtrabaho sa pagkab-ot sa ilang tumong nga kalamboan.

Sa pagkakaorn. ang asosasyon dunay average monthly income nga P300,000.

Ang asosasyon dunay tangible assets nga mobalor og P165,254.83 ilakip sa building ug luna sa tindahan.

Ang kahugpongan padayon sa iyang kalamboan uban sa kalig-on sa panaghiusa. (PR)


Source: Sun.Star Superbalita (https://www.sunstar.com.ph/article/1877024/Superbalita-Cebu/Balita/Grupo-sa-kanhi-rebelde-gitabangan-sa-SLP-Pamana?ref=rss&format=simple&link=link)

No comments