Recent Posts

Breaking News

Forest ranger gipitlok


PATAY na nga naabot sa ospital ang usa ka trabahante sa Department of Environment and Natural Resources (DENR) sa Mati City human misukol sa kapulisan sa Talomo Police Station atol sa buy-bust operation sa Mabini, Bangkal, Davao City alas 3 sa Miyerkules sa hapon, Nobyembre 11, 2020.

Ang napatay nga suspek giila sa kapulisan nga si Ronel Revilla, kinsa gikonsiderang usa ka high-value target ug Top 8 sa drug watchlist sa Davao Region.

Nakuhaan og identification card ang napatay nga suspek kinsa usa ka forest ranger sa DENR-Mati City.

Sa impormasyon gikan sa Talomo police, dihang gipahigayon ang transaksiyon sulod sa sakyanan niini, gilayong giilog sa suspek ang armas dihang namatikdan nga pulis ang katransaksiyon.

Nagkailugay pa sa armas nga kalibre .45 nga pistola ang suspek ug ang pulis ug nakapabuto pa kini ngadto sa mga operatiba, hinungdan nga giniyutralisa siya.

Dugang pa nga gibanggaan pa ang usa ka pulis nga sakay sa motorsiklo.

Nakuha sa posisyon sa napatay nga suspek ang mokabat kapin kon kulang P900,000 nga kantidad sa gituohang shabu, drug paraphernalia ug ang kalibre .45 nga pistola.


Source: Sun.Star Superbalita (https://www.sunstar.com.ph/article/1876603/Superbalita-Davao/Balita/Forest-ranger-gipitlok?ref=rss&format=simple&link=link)

No comments