Recent Posts

Breaking News

Ex-pulis gipikhan


PATAY ang kanhi pulis human gipusil pasado alas 7:25 sa gabii, Huwebes, Nobyembre 12, 2020, sa Barangay Saguing, Makilala, North Cotabato.

Giila ang biktima nga si Jeofrey Gerozaga, 47, minyo, negusyante ug nagpuyo sa Purok Malinawon sa maong barangay.

Sumala kang North Cotabato Police Provincial Office Director Colonel Henry Villa nga naglingkod lang ang biktima atbang sa iyang balay ug nagtagay kauban ang iyang mga silingan.

Apan kalit lang miabot ang duha ka wala mailhing mga lalaki ug nagpusil kaniya tumong sa ulo ug dughan.

Abtik nga miikyas ang mga suspek sakay sa motorsiklo paingon sa siyudad sa Kidapawan.

Gisapupo ang biktima ug gihatud ngadto sa Kidapawan Medical Specialist Hospital apan gideklara siyang dead on arrival.

Walay nakaila sa mga mamumuno sa pamilya sa biktima ug mga silingan gumikan pulos naka-face mask ang ilang mga nawong.

Gituohang personal nga atraso ang gilantaw sa mga awtoridad sa motibo sa maong krimen. (Edgar E. Fuerzas)


Source: Sun.Star Superbalita (https://www.sunstar.com.ph/article/1876736/Superbalita-Davao/Balita/Ex-pulis-gipikhan?ref=rss&format=simple&link=link)

No comments