Recent Posts

Breaking News

CCPO: Apor makasud sa Cebu City


GIHIMAKAK sa deputy city director for operations sa Cebu City Police Office, Police Lieutenant Colonel Wilbert Parilla, nga di na makasulod sa Dakbayan sa Sugbo ang authorized persons outside residence (Apor) taliwala sa pagpahugot na sa mga border quarantine control point sa Dakbayan sa Sugbo.

Matod ni Parilla nga ang ilang gihingusgan sa pagkakaron mao ang tanang quarantine protocol sama sa pagsul-ob sa face mask, social distancing ug pagpaggawas sa mga tawo nga way quarantine pass.

Mahimo pa nga makagawas ug makasulod sa Siyudad sa Sugbo ang mga trabahante gikan sa probinsya sa Sugbo pinaagi sa pagpakita sa certificate of employment sanglit giila man usab sila nga mga Apor.

Sukwahi kini sa migawas sa balita sa social media nga gidid-an sa pagsulod sa Siyudad sa Sugbo ang mga Apor.

Ang gipahugtan karon, matod ni Parilla, mao ang pagbadlong sa mga tawo nga manggawas nga nagsuroy-suroy lang sa dakbayan nga way tuyo sanglit naa pa man ang kamandoan sa mayor nga kinahanglan adunay dala nga quarantine pass kon mogawas. (AYB)


Source: Sun.Star Superbalita (https://www.sunstar.com.ph/article/1876850/Superbalita-Davao/Balita/CCPO-Apor-makasud-sa-Cebu-City?ref=rss&format=simple&link=link)

No comments