Recent Posts

Breaking News

Ban sa baboy, samang produkto sa Luzon, Mindanao magpadayon


Aron masiguro nga mapanalipdan ang P11 bilyones nga hog industry sa lalawigan sa Sugbo, gipahbawo ni Cebu Governor Gwendolyn Garcia nga magpabilin ang mga kamandoan nga iyang giluwatan labot sa pag ban sa entry sa pork ug pork related products nga gikan sa Luzon ug Mindanao paingon sa Probinsya.

Atol sa pakighinabi sa mga tigbalita, gibutyag ni Garcia nga bisan pa sa padayon nga hulga sa African Swine Fever (ASF) sa nasud, nag pabilin nga ASF-free ang mga karne ug samang mga produkto sa lalawigan.

Hinungdan sa mas malambuon ang demand sa produkto sa karneng baboy sa Sugbo.

Bisan ang Manila nia na sa Sugbo namalit og baboy kay luwas sa ASF ang mga karne dinhi hinungdan sa pagsaka sa panginahanglan.

"The reason why there is now a spike in demand because in 22 provinces in Luzon, ASF has again strucked, nag outbreak napod didto maong ang taga Manila nia na palit nato...this is all because we have inspite of all position and even threats insisted on keeping Cebu ASF free in implementing measures to see to it that ASF will not be able to enter the province of Cebu," matod ni Garcia sa Nobiyembre 17.

Gibutyag usab ni Dr. Mary Rose Vincoy nga bisan sa hulga sa coronavirus disease (Covid-19) ug ubos sa striktong quarantine restrictions, nagpadayon ang ilang pag monitor sa mga point of entry pagsiguro nga di makalusot ang mga produkto nga possibleng magdala og mga sakit sa mga hayop.

Sa naghinangat nga Pasko, gipanglantawan ang pagsaka pa sa demand sa karne apan mipasalig si Vincoy nga may igo nga supply ang lalawigan.

Ang pagsugod sa ban sa mga produktong karneng baboy nagsugod niadtong Pebrero, 2020 ug nianang Mayo, indefinite na ang ban.(ANV)


Source: Sun.Star Superbalita (https://www.sunstar.com.ph/article/1877229/Superbalita-Cebu/Balita/Ban-sa-baboy-samang-produkto-sa-Luzon-Mindanao-magpadayon?ref=rss&format=simple&link=link)

No comments