Recent Posts

Breaking News

7 ka TPUJ drivers gi-Covid; laing 17 nakabiyahe na


Nagpositibo sa coronavirus disease (Covid-19) ang pito sa 235 ka tradisyunal nga public utility jeepney (PUJ) drivers nga ning-apply aron makabalik og pamasahero sa dakbayan sa Sugbo.

Kini ang gitug-an ni Konsehal James Cuenco, chairman sa Cebu City Jeepney Task Force (CCJTF), human giduso na sa Emergency Operations Center (EOC) ang listahan sa mga driver nga ilang gi-swab niadtong Nobyembre 16 , 2020.

Ang mga drivers nga nag-positibo gipaubos na sa quarantine samtang gisugdan na usab nilang Konsehal Joel Garganera, deputy chief implementer sa EOC, ang contact tracing.

MIPASAR

Samtang 45 porsiyento ra ang mga TPUJ nga nakapasar sa gipahigayon nga motor vehicle inspection nga gidumala sa Land Transportation Office (LTO) atol sa one stop shop sa Biyernes, Nobiyembre 20 sa North Reclamation Area.

Matod ni Cuenco nga sa 61 ka TPUJ, 28 ka units lang ang nakapasar sa ilang road worthiness ug safety protocol sa Covid-19. Sa 28 nga nakapasar, 17 kanila ang naisyuhan og permits gikan sa Joint Task Force nga maoy nakabiyahe sugod kagahapon.

Kini gilangkoban sa mga TPU nga nagbiyahian sa Guadalupe ug Lahug nga adunay rota nga gibahin sa 06B (4), 06C (5), 04D (5), 04C (3) ug 04L (2). / PAC


Source: Sun.Star Superbalita (https://www.sunstar.com.ph/article/1877542/Superbalita-Cebu/Balita/7-ka-TPUJ-drivers-gi-Covid-laing-17-nakabiyahe-na?ref=rss&format=simple&link=link)

No comments