Recent Posts

Breaking News

315 na-Covid sa Digos


MOKABAT na sa 315 ang narekord nga kaso sa padayong pagsipa sa coronavirus disease (Covid-19) sa Dakbayan sa Digos, base sa pinakabag-o nga datos.

Sa gipaguwang datos sa City Health Office (CHO) niadtong Dominggo sa hapon, Nobiyembre 15, 2020, gihulagway nga 207 sa maong ihap ang nakarekober.

Duha sab ka mga bag-ong kaso ang natala niadtong adlawa hinungdan nga 99 na ang nasud sa tambalanan ug siyam ang namatay.

Matod sa CHO nga aduna pa’y 50 ka suspek ug usa ka probable ang padayong gibantayan.

Sa kinatibuk-an, anaa na sa 569 ang kaso sa Covid-19 lukop Davao del Sur, diin nag-una ang dakbayan sa mga nataptan.

Sa maong ihap, 375 ang nakarekober ug 16 ang namatay. (Orlando B. Dinoy)


Source: Sun.Star Superbalita (https://www.sunstar.com.ph/article/1877030/Superbalita-Davao/Balita/315-na-Covid-sa-Digos?ref=rss&format=simple&link=link)

No comments