Recent Posts

Breaking News

2 ka pusher patay atol sa 2 ka buy-busts


PATAY ang duha ka mga suspek nga drug pushers dihang misukol atol sa managlahing drug buy-busts sa probinsiya sa Sugbo.

Unang operasyon sa Purok Narra, Sitio Greenhills, Barangay Poblacion, lungsod sa Liloan, alas 4:20 sa hapon Nobiyembre 17.

Patay si Melchor Goc-ong, Jr., alyas Gapa, hingkod, ulitawo ug nagpuyo sa nahisgutang lugar, ug giilang high value target (HVT) sa municipal level.

Samtang nadakpan ang kakunsabo niini nga silang Benjamin Montealto, 28, ulitawo, ug Donna Pugoy, 29.

Si Major Danilo Colipano, hepe sa Liloan Police Station nga nahinabi sa Superbalita Cebu, nagkanayon nga si Goc-ong, nakabantay nga pulis ang gikaatubang busa namusil apan naunhan sa tropa sa kapulisan.

Nakuha sa kapulisan ang 5 gramos o mobalor og P34,000 base sa Dangerous Drugs Board ( DDB) value.

Samtang patay sab ang usa ka big-time pusher human misukol sa kapulisan sa alas 5:45 sa buntag Nobiyembre 18, sa Sitio Canamucan 2, Barangay Magay, Compostela.

Si Junrey BeleƱa, hingkod, taga Brgy. Lamac, lungsod sa Consolacion, patay human nisukol sa joint operation sa mga sakop sa Provincial Intelligence Units (PIU) pinanguluhan ni Police Lt. Col. Randy Korret ug Compostela police.

Matod ni Korret, ang suspek nakamatikod nga pulis ang nipalit sa ilegal nga drugas ug kini nmibunot sa armas namusil pero wala makaigo, gibawsan kini sa sa kapulisan.

Gidala kini sa tambalanan sa dakbayan sa Danao, apan gideklarar sa mga doktor nga patay. (GPL)


Source: Sun.Star Superbalita (https://www.sunstar.com.ph/article/1877292/Superbalita-Cebu/Balita/2-ka-pusher-patay-atol-sa-2-ka-buy-busts?ref=rss&format=simple&link=link)

No comments