Recent Posts

Breaking News

Tunghaan naugdaw sa sunog


MOKABAT og P800 mil ang danyos sa sunog sa pribadong nursery school sa Barangay Lahug, dakbayan sa Sugbo niadtong Miyerkules sa gabii, Oktubre 21.

Si Fire Officer 2 Emerson Arceo, imbestigador sa Cebu City Fire Department (CCFD), niingon nga basin”electrical ignition” ang hinungdan sa sunog sa Cambridge School, subay sa inisyal nila nga pagsusi.

Matud ni Arceo, base sa guwardiya nga iyang nahinabi, nagsugod ang kayo sa breaker sa ilang kuryente human nibuto kini.

Duha ka andana sa tunghaan ang naugdaw nga gipanag-iyahan sa ni Jacquiiline Limtin.

Nadawat sa mga bombero ang alarma sa sunog alas 7:45 sa gabii ug gisaka dayon sa second alarm alas 7:55 sa gabii.

Nakontrolar ang kayo alas 8:05 sa gabii samtang gideklarar nga fire out alas 8:33 sa gabii.

Walay gikataho nga na angol sa pagulbo sa maong kalayo nga hinungdan usab sa pagkabara sa trapiko sa dapit panahon sa rush hours.


Source: Sun.Star Superbalita (https://www.sunstar.com.ph/article/1874340/Superbalita-Cebu/Balita/Tunghaan-naugdaw-sa-sunog?ref=rss&format=simple&link=link)

No comments