Recent Posts

Breaking News

Tumulak ngadto sa bikers: balaud sa trapik


Dunay hangyo ang pangu sa City of Talisay-Traffic Operation Development Authority (CT-Toda) ngadto sa bikers nga tumanon ang mga lagda sa trapiko aron sa paglikay sa disgrasya.

Gawas sa paglikay sa maong disgrasya malibre usab sila sa mga multa nga nakalatid sa traffic code nga napasar sa konseho.

Matud ni Jonathan Tumulak, pangulo sa CT-Toda, nakigtagbo sa milabay nga adlaw sa pipila ka bikers ug nagkigsabot ngadto na sa mga lider sa nagkalain-laing mga grupo sa bikers aron mopahibawo sa iyang mga kauban sa maong hangyo sa CT-Toda.

Samtang gikalipay usab ni Tumulak gumikan kay nisaad ang mga bikers ngadto kanila atol sa ilang panag-estorya nga motabang sa ilang kampanya aron makunhoran ang disgrasya.

Kahinumdoman nga usa ka biker ang nipugos ug tabok sa Cebu South Coastal Road (CSCR) sa milabay bisan pa man og anaa sa stop ang signal ligth sa iyang lugar.

Nga niresulta gyud sa pagka bangga human wala sa pagtuman sa signal light hangtud nga siya nadasmagan sa nagmotorsiklo sakay ang magtiayon.

Ang maong insidente nakuha sa CCTV sa Dakbayan. Ang pagpahigayon sa pagpanakop sa mga biker nga dili motuman sa lagda sa trapiko gisugdan na niadtong pang miaging mga adlaw.

Kon diin 11 ka bikers na ang ilang nadakpan nga naimbargohan gyud sa ilang mga bisekleta ug gipamulta ang matag usa og P500.

Tinguha ni Tumulak nga unta mamahimong responsable ang tanang bikers aron dili na modugang sa daghang badlungon sa kadalanan.

Namatikdan nga daghan nang mag-bike karon sukad sa pagpatuman sa kuwarentina human nagnihit ang pangpubiko nga sakyanan. / BBT


Source: Sun.Star Superbalita (https://www.sunstar.com.ph/article/1874511/Superbalita-Cebu/Balita/Tumulak-ngadto-sa-bikers-balaud-sa-trapik?ref=rss&format=simple&link=link)

No comments