Recent Posts

Breaking News

Suweldo sa nurses ubos sa provincial gov’t umentohan


MAAYONG balita alang mga nurse nga nagtrabaho sa mga ospital ug buhatan ubos sa kagamhanan sa lalawigan sa Sugbo tungod sa pagpasar sa ordinansa nga nagmando sa pagpaumento sa ilang suweldo.

Unanimous o giuyonan sa tanang sakop sa Hunta sa Lalawigan ang pagpasar sa ordinansa ni Bokal Glenn Anthony Soco sa Sixto Distriro nga nag-ulohan: “Upgrading and modifying the public health nurse positions of the Province of Cebu pursuant to the adaption of Department of Budget and Management Circular No. 2020-4 in relation to Republic Act No.9173.”

Hingpit nga napasar kini nga odinansa sa ikaduha ug ikatulo nga pagpasa sa Hunta atol sa ilang sisyon niadtong Lunes, Oktubre 5. Si Soco pangulo usab sa Budget and Appropriations Committee sa Hunta.

Sa pag-upgrade sa entry levels sa nurse positions, m dawat og salary grade 15 nga suholan ang Nurse I o P32, 053 gikan sa kaniadto P22, 316 lang.

Gipasabot ni Soco nga ang pagpasar sa maong ordinansa labing haom ning panahon sa pandemya sa Covid-19 tungod sa di masukod nga sakripisyo ug serbisyo sa healthcare workers aron maseguro nga maluwas ang mga Sugboanon nga may sakit.

“Even before the pandemic, nurses are considered essential and vital inpatient and hospital care. In fact, it is said that shorter hospital stays reflect nurses’ ability to affect efficiency as well as quality. Nurses are literally the lifeblood in any healthcare institution. They spend most of their time with patient care, emergency response, both emergency care and even outpatient medical services,” matod ni Soco.

Ubos sa ordinansa covered ang tanan nga mga nurse positions sa Cebu Provincial health office, Provincial ug District hospitals ingon man sa Cebu Provincial Detention and Rehabilitation Center (CPDRC), regular, casual o contractual, full-time man o part-time.

Apan gipahibaw ni Emme Gingoyon ang Provincial Budget officer nga sa pagkakaron dili pa covered ang mga nurses nga nakakontrata ubos sa outsourcing company. Gawas lang kon ammendahan ang kontrata niini.

Subay sa nahipos nga listahan sa Provincial Health Office (PHO) may 176 ang naghupot og Nurse 1 position sa Provincial ug District Hospitals sa lalawigan. Gipasalig hinuon ni Gingoyon nga igo ang pundo sa Probinsya alang sa pagpatuman sa naasoyng umento.

Ang pag-upgrade ug pag-modify sa public health nurse positions sa lalawigan nahisagop ubos sa Budget Circular No. 2020-4 sa Department of Budget and Management (DBM) agi og pag tuman sa Republic Act 9173 o Philippine Act of 2002.

Gikutlo sa Sec. 32 sa maong balaod, “In order to enhance the general welfare, commitment to service and professionalism of nurses, the minimum base pay of nurses working in the public health institutions shall not be lower than salary grade 15 prescribed under Republic Act No. 6758, otherwise known as the “Compensation and Classification Act of 1989”: Provided, That for nurses working in local government units, adjustments to their salaries shall be in accordance with Section 10 of the said law.”


Source: Sun.Star Superbalita (https://www.sunstar.com.ph/article/1872677/Superbalita-Cebu/Balita/Suweldo-sa-nurses-ubos-sa-provincial-govt-umentohan?ref=rss&format=simple&link=link)

No comments