Recent Posts

Breaking News

Sabongero naminghoy


BISAN pa og gitugtan na ang sabong sa Inter-Agency Task Force (IATF) Management of Emerging Infectious Diseases ngadto sa mga lugar ubos sa modified general community quarantine (MGCQ), di gihapon puwede ang sabong sa Davao City.

Kini ang gibutyag ni Davao City Mayor Sara Duterte-Carpio atol sa radio interview niini sa 87.5 dcDR FM, Biyernes sa hapon, Oktubre 16, 2020, human migula ang pag-aproba sa resolusyon niadtong Huwebes.

Sumala ni Mayor Sara nga usa ka personal nga direksiyon ug polisiya sa iyang city administration ang pagdili sa sabong sa dakbayan ug di ingon og alang sa pandemya sa coronavirus disease (Covid-19).

“Before, nagsulti na ta daan na mag-move ta na i-cancel ang mga permits sa sabongan sa Davao City. Dili ni related sa Covid-19 but a personal direction and policy sa atoang city administration," tipik sa pamulong ni Mayor Sara.

Apan sumala sa IATF nga mag-agad gihapon sa mga local government unit executives kun kadagkoan sa mga siyudad ug probinsiya kon magpahigayon ba og sabong.


Source: Sun.Star Superbalita (https://www.sunstar.com.ph/article/1873652/Superbalita-Davao/Balita/Sabongero-naminghoy?ref=rss&format=simple&link=link)

No comments