Recent Posts

Breaking News

Quijano: Mga bus dunay biyahe sa Nobiyembre 1, 2


SUBAY sa paghandom sa Kalag-kalag gipahibaw ni Carmen Quijano ang manager sa Cebu North Bus Terminal (CNBT) ug Cebu South Bus Terminal (CSBT) nga mobiyahe gihapon ang mga bus paingon sa mga kalungsoran bisan paman sa pagsira sa mga sementeryo.

Matod ni Quijano nga bukas ang duha ka mga terminal diin padayon nga mo byahe ang moabot 200 ka mga bus sa CSBT samtang moabot 100 sa CNBT.

“Abli ta bisan pa ug mag sirado na ang mga menteryo kay naa pamay mga mo uli ang problema lang nako kay kaning mga minibus dili manulod kay mahadlok madakpan kuno, pero na istorya naman nato ana si RD Montealto nga okay man moagi ang mga buses labi na diha sa Consolacion,” matod ni Quijano.

Tungod sa gilaoman nga pag dagsa sa mga pasahero, gi-awhag ni Quijano ang mga buot nga mo-pauli nga mo-sayo sa terminal aron nga dili maabtan sa taas unya nga linya ilabi na nga gipatuman ang bag-o nga pamaagi sa pag-physical distancing hinungdan nga kinahanglan nga menos lang ang makasulod sa terminal.

Ang pag sul-ob og face mask ug face shield hugtanon gihapon nga gi-patuman aron kalikayan ang pagkatap sa kagaw sa coronavirus disease 2019 (Covid-19). (ANV)


Source: Sun.Star Superbalita (https://www.sunstar.com.ph/article/1875115/Superbalita-Cebu/Balita/Quijano-Mga-bus-dunay-biyahe-sa-Nobiyembre-1-2?ref=rss&format=simple&link=link)

No comments