Recent Posts

Breaking News

Peke nga dentista nasikop


TACLOBAN City - Usa ka peke nga dentista ang nasikop sa mga pulis sa Criminal Investigation and Detection Group (CIDG).

Ang dinakpan mao si Romnick Macariola, 28, naay kapuyo ug taga Barangay, 74, Bliss 3 Lower, Nula Tula, Tacloban City.

Ang operasyon gilusad alas 12:45 sa udto, Miyerkules, Oktubre 21, 2020 ug gipangulohan ni Police Major Duane Francis Ducducan ubos sa pagdumala ni Police Lieutenant Colonel Zacarias Noel Villegas uban sa kapulisan sa Tacloban.

Ang reklamo nagagikan sa Philippine Dental Association-Leyte Chapter tungod sa mga pekeng dentista nga mohimo og ilegal nga dental procedures.

Naabtan sa kapulisan ang suspek nga mohimo na unta og ilegal nga dental procedures sa nagpailang pasyente.

Nasakmit sa mga pulis atol sa operasyon ang pipila ka mga gamit sa dentista sama sa elastics, ortho brackets, mouth retractors ug orthodontic wire.

Kasagaran sa nakuha nga mga materyales alang sa pagtaud og braces.

Kasong kalapasan sa Philippine Dental Act of 2007 ang giatubang sa suspek.

Gihangyo sa CIDG ang publiko nga i-report dayon sa ilang opisina kon dunay ubang tawo nga mohimo sa susama aron dali kini nga maundang.

Gawas pa, peligro ang walay lisensiya nga 'dentista' alang sa pasyente ug pagrekamo sa a sayop nga procedures ug malpractice.


Source: Sun.Star Superbalita (https://www.sunstar.com.ph/article/1874659/Superbalita-Cebu/Balita/Peke-nga-dentista-nasikop?ref=rss&format=simple&link=link)

No comments