Recent Posts

Breaking News

P8-M kantidad sa shabu gisunog


GISUNOG sa mga sakop sa Philippine Drug Enforcement Agency (PDEA) sa Bangsamoro Autonomous Muslim in Mindanao (Barmm) ang kantidad sa P8,000,000 nga shabu niadtong Huwebes, Oktubre 15, 2020, sa probinsiya sa Maguindanao.

Ang pagsunog sa ilegal nga druga gipangunahan ni PDEA-Barmm Regional Director Juvinal Azurin ug Sultan Kudarat Mayor Datu Shameem Mastura, uban si Maguindanao Police Provincial Office (MPPO) Director Colonel Donald Madamba.

Kadaghanan sa gisunog nga shabu mao ang mga nakompiska sa mga gilusad nga anti-drug operation sa PDEA-Barmm ug kapulisan sa MPPO, lakip na sa Siyudad sa Cotabato.

Sumala kang Azurin nga ang pagsunog sa mga mga ilegal nga druga pinasubay sa sa direktiba ni Presidente Rodrigo Roa Duterte.

Nasayran nga mga druga kabahin sa mga ebidensiya nga gipresentar sa korte ug napasang-at na nga mga kaso batok sa mga suspek.

Tumong sa pagsunog sa nahisgutang kantidad sa mga druga nga dili na kini "ma-recycle."

Gipalig-on pa sa PDEA-Barmm ang kampanya batok sa ilegal nga druga sa Bangsamoro Region. (Edgar E. Fuerzas)


Source: Sun.Star Superbalita (https://www.sunstar.com.ph/article/1873655/Superbalita-Davao/Balita/P8-M-kantidad-sa-shabu-gisunog?ref=rss&format=simple&link=link)

No comments