Recent Posts

Breaking News

Mag-uuma gitabangan og kulata, patay


MAG-UUMA patay human gitabangan sa pagkulata, luba sa managsuon niadtong Dominggo sa alas 7:00 sa gabii sa Purok Avocado, Barangay Luhod, lungsod sa Barili.

Si Ruben Gingoyon, 27, mag-uuma, dunay kapuyo dead-on-arrival (DOA) sa tambalanan sa lungsod human nakaangkon og daghang samad dinunggaban sa lawas.

Hinuon, nitahan sa kapulisan kagahapon, Oktubre 12, sa ala 1 sa hapon ang managsuong suspek nga sila si Rodel Manacio, hamtong, ulitawo, mag-uuma, ug Randy Manacio, hamtong, mag-uuma usab sa nahisgutang lugar.

Si Police Staff Sgt. Jeffrey Alpas, sa Barili Police Station nga nahinabi sa Superbalita Cebu nagkanayon nga dunay karaang panagbangi ang biktima ug mga suspek.

Nag-abot sila sila sa maong dapit, gitabangan sa pagsumbag sa managsuong Manacio si Gingoyon hinungdan sa pagkatata sa baba niini.

Ang biktima nidagan aron makalikay sa pagpangulata sa managsuong Manacio.

Apan dihang nakadagan gigukod siya ni Rodel, gihansakan sa iyang tiyan sa sa dala nga kitchen knife.

Gi-usban sa paghansak, apan mitabang ang igsuon sa biktima nga si Junrey Gingoyon. Sa iyang pagpanalipod sa iyang igsuo,nasamad sab ang iyang bukton.

Nanagan ang mga suspek apan wala magdugay ilang pagtagotago kay mitahan sa kapulisan.

Ilang gi-turnover ang kitchen knife nga gigamit sa krimen ug mialigar nga ang tag-iya niini mao si Gingoyon apan ilang nailog atol sa ilang panagkarambola. (GPL)


Source: Sun.Star Superbalita (https://www.sunstar.com.ph/article/1873223/Superbalita-Cebu/Balita/Mag-uuma-gitabangan-og-kulata-patay?ref=rss&format=simple&link=link)

No comments