Recent Posts

Breaking News

Mag-asawa nanindag shabu, nalit-ag


WA MAKAIKTAD sa mga pulis ang mag-asawang nalambigit sa ginadiling druga human nadakpan sa gilusad nga buy-bust operation sa Purok 6, Peda, Barangay San Francisco, Panabo City, Davao De Norte alas 2 sa hapon Dominggo, Oktubre 4, 2020.

Giila ang mga nadakpan nga sila Ricardo Arroyo Grijaldo, Jr., alias Koykoy Grejaldo, 27, ug Jennie Rose Ching Grijaldo, alias Dimple Ching, 27, nagpuyo sa naasoy nga lugar.

Subay sa report, ang mga suspek nasikop pinaagi sa mga personahe sa Panabo City Police Station ubos sa superbisyon ni Police Lieutenant Colonel Ernesto M. Gregore, uban sa lain pang yunit sa otoridad.

Mga pakite sa gituohang shabu, cellphone ug marked money ang narekober sa posisyon sa mag-asawa.

Giproseso na sa kapulisan ang pagpasaka og kaso sa mga nahisgutan.


Source: Sun.Star Superbalita (https://www.sunstar.com.ph/article/1872487/Superbalita-Davao/Balita/Mag-asawa-nanindag-shabu-nalit-ag?ref=rss&format=simple&link=link)

No comments