Recent Posts

Breaking News

LTO mang-apod-apod na sa mga plaka sa SM Seaside


ANG Land Transportation Office (LTO) 7 nibalik na sa ilang pag-apo-apod sa rehistradong mga plaka sa bag-ong mga sakyanan sugod kagahapon, Oktubre 22, sa SM Seaside City.

Si Regional Director Victor Caindec sa LTO 7 nagkanayon nga adunay 19,302 ka mga plaka nga anaa sa ilang kustodiya sanglit nabaraw ang ilang unang distribution niadtong Marso gumikan sa Covid-19.

Ang kadtong mga car owner nga wa pa makakuha sa ilang plaka sukad niadtong 2015, mahimo silang mo-text sa 0947-349-9965 ug ibutang ang ilang impormasyon sama sa plate number, MV file number, date of registration ug ngalan sa tag-iya.

Kini gikan alas 8 sa buntag hangtod alas 5 sa hapon para ma-schedule ang ilang pag-claim ug maandam ang ilang plaka.

“Please wait for the confirmation to know your scheduled date and time of claiming. If the plate is unclaimed, you will have to reschedule your appointment,” padayag ni Caindec.

Ang LTO 7 nagsugod pag-release sa mga plaka niadtong Pebrero 13 sayo niining tuiga.

Naka-distribute sila og 1,941 ngadto sa mga car owner, apan nahunong niadtong Marso 17, 2020 gumikan sa pandemya.

Ang plaka gikan niadtong 2015 ngadto sa 2016 maoy ihatag sa LTO, gawas lang sa plaka nga nagsugod sa GEB 2999 hangtod GEB 9895 ug GEC 1220 ngadto sa GEC 2000.

Ang special plates gikan sa 2015, 2016 (January-June) ug 2017 (January-April) mahimo na usab makuha sa SM Seaside City.

Giawhag ni Caindec ang mga tag-iya og sakyanan sa pag-andam sa ilang photocopy sa official receipt (OR) ug certificate of registration (CR) lakip na ang driver’s license.

Mahimo sab nga magsugo og laing tawo ang car owner uban sa authorization letter, kopya sa valid identification (ID) card sa tag-iya ug sa gisugo maoy gikinahanglan. (PAC)


Source: Sun.Star Superbalita (https://www.sunstar.com.ph/article/1874344/Superbalita-Cebu/Balita/LTO-mang-apod-apod-na-sa-mga-plaka-sa-SM-Seaside?ref=rss&format=simple&link=link)

No comments