Recent Posts

Breaking News

Lawas sa babaye ipa-DNA test


WALA pa mailhi kadtong lawas sa usa ka babaye nga napalgan nalang sa mga bata sa sapa sa sitio Kalubihan, Barangay Talamban nga wala nay ulo, mga kamot ug tiil nga gisulod sa sako.

Matod ni Police Captain Jonathan Taneo, hepe sa Talamban Police Station, nakig-alayon sila karon sa Mandaue City Police Office (MCPO) human nga adunay mga bahin sa lawas ang napalgan usab sa maong dapit.

Nagduda siya nga kabahin kadto sa lawas nga nakit-an sa Talamban nga angayang ipaubos sa pakisusi.

Dugang ni Taneo nga ilang gitan-aw ang posibilidad nga gilabay ang mga gi-chop-chop nga lawas sa baabye sa bukid ug gianod lang kini sa tubig sa Sitio Kalubihan.

Tungod niini, nangita sila karon og mga CCTV camera sa dapit, diin napalgan ang lawas sa biktima, aron masiguro kon aduna bay tawo nga makita nga milabay niini sa maong lugar.

Nagtuo siya nga grabe ang kayugot sa nagpatay. (AYB )


Source: Sun.Star Superbalita (https://www.sunstar.com.ph/article/1874672/Superbalita-Cebu/Balita/Lawas-sa-babaye-ipa-DNA-test?ref=rss&format=simple&link=link)

No comments