Recent Posts

Breaking News

Langyaw nga suicide bomber nadakpan


USA ka gidudahang langyaw nga terorista ug suicide bomber, ingon man laing duha nadakpan sa mga tropa sa kagamhanan sa lalawigan sa Sulu, matod sa usa ka taas nga opisyal sa militar sa Sabado, Oktubre 10, 2020.

Si Brigadier General William Gonzales, kumander sa Join Task Force Sulu, niingon nga ang mga suspek gidakop sa usa ka law enforcement operation mga ala 1:50 sa kaadlawon sa Sabado sa Barangay Asturias, Jolo, ulohan sa Sulu.

Si Gonzales niila sa nadakpang langyaw nga terorista ug suicide bomber nga si Rezky Fantasya Rullie, alas Cici, babayeng Indonesian.

Matod niya nga ang laing duha ka mga suspek mao sila si Inda Nurhaina, asawa ni Abu Sayyaf bandit sub-leader Ben Tatoo, ug Fatima Sandra Jimlani, asawa ni Jahid Jam, sakop sa Abu Sayyaf.

Si Gonzales niingon nga si Rullie naghupot og suicide vest nga gibutangan og pipe bombs ug uban pang mga parte sa improvised explosive device dihang gidakop sulod sa balay nga gituohang iya ni Tatoo.

Siya niingon nga si Rullie naa sa top sa ilang listahan sa ilang pursuit operation nga gilusad batok sa langyaw nga mga terorista sa lalawigan sa Sulu human sa Agusto 24 nga twin bombings sa Jolo.

Matod ni Gonzales nga si Rullie maoy asawa sa Indonesian terrorist nga napatay atol sa engkwentro tali kasundaluhan sa kagamhanan niadtong Agusto 29 sa Patikul, Sulu.

Siya nagtuo nga si Rullie anak sa magtiayong Indonesian nga maoy naghimo sa Enero 27, 2019 nga twin suicide bombings sa Mount Carmel Cathedral sa Jolo.

“My commendations to all the units involved in this operation. Let us continue to support each other with vigor and enthusiasm to combat terrorism and lawlessness,” matod ni Lieutenant General Corleto Vinluan Jr., commander sa Western Mindanao Command (Westmincom). (SunStar Zamboanga)


Source: Sun.Star Superbalita (https://www.sunstar.com.ph/article/1873045/Superbalita-Cebu/Balita/Langyaw-nga-suicide-bomber-nadakpan?ref=rss&format=simple&link=link)

No comments