Recent Posts

Breaking News

Laing order batok sa mining company


HAYAN laing cease and desist order ang luwatan ni Gobernador Gwendolyn Garcia batok sa Philippine Mining Service Corporation (PMSC) aron mahunong ang tibuok operasyon niini sa lungsod sa Alcoy.

Kini tungod sa giingong kadaot nga namugna gumikan sa pag-transport sa dolomite pinaagi sa conveyor belt hinungdan nga mitabon na sa corals ang particles niini.

Atol sa tigom sa Kapitolyo tali sa Mines and Geo-sciences Bureau (MGB) ug Environmental Management Bureau (EMB) ug PMSC sa Oktubre 2, gi-invoke ni Gobernador Gwendolyn Garcia ang general welfare clause sa Local Government Code nga naghatag kaniya og katungod nga protehian ang kalikupan ug minerales nga sakop ug iya sa probinsya.

Sa gipahigayon nga aerial survey sa Provincial Environment and Natural Resources Office (PENRO), nasuta ang heavy siltation sa kadagatan duol sa pantalan gumikan sa pag-transport sa dolomite.

Gawas sa CDO, mo-file usab og tax claim ang Probinsya batok sa PMSC ngadto sa korte tungod sa padayon nga wala mobayad og tax sa PMSC ngadto sa Probinsya, sa lungsod sa Alcoy ug Barangay Pugalo. / ANV


Source: Sun.Star Superbalita (https://www.sunstar.com.ph/article/1872848/Superbalita-Cebu/Balita/Laing-order-batok-sa-mining-company?ref=rss&format=simple&link=link)

No comments