Recent Posts

Breaking News

Laing bagyo naghulga sa nasod karon


USA ka low pressure area (LPA) sa silangan sa Catanduanes sa Bicol posibleng mahimong tropical depression karon, sumala sa state weather bureau Philippine Atmospheric Geophysical and Astronomical Services Administration (Pagasa) kagahapon, Oktubre 18.

Alas 3:00 sa hapon sa Dominggo, ang LPA anaa sa 1,035 kilometers silangan sa Virac, Catanduanes. Nag-uros sa direksiyon nga amihanan-kasadpan padulong sa Philippine Sea sa northern Luzon.

Baga ang panganod uban sa katagkatag nga pag-uwan ang masinati ug panugdog-kilat sa Eastern Visayas, Caraga, ug Davao sa miaging 24 oras tungod sa LPA.

Ang Pagasa nipasidaan batok sa flashfloods o landslides sa maong mga dapit tungod sa kasarangan ngadto sa kusog nga pagbunok sa uwan.

Halos sa Luzon, dunay hangin nga mohuros gikan sa amihanan-silangan nga magdala og kusog nga uwan.

Apektado ang Metro Manila,Cordillera Administrative Region, Cagayan Valley, Central Luzon, Calabarzon ug Bicol.

Sumala sa Pagasa, risgo sa flashfloods o landslides sa maong mga dapit.

Sa ubang bahin sa nasod, dunay mapaabot nga localized thunderstorms nga risgo usab sa flashfloods ug landslides labina sa mga risgo nga dapit. (MVI, SunStar Philippines)


Source: Sun.Star Superbalita (https://www.sunstar.com.ph/article/1873882/Superbalita-Cebu/Balita/Laing-bagyo-naghulga-sa-nasod-karon?ref=rss&format=simple&link=link)

No comments