Recent Posts

Breaking News

Kusog nga kanta sa karaoke, musika idili na sa Cebu City


GIPAHIMANGNUAN ni Cebu City Mayor Edgardo Labella ang publiko nga i-limit sa ang paggamit sa karaoke ug pagpatukar og kusog kay magsugod na ang online classes sa mga estudyante.

Matod ni Labella, mag-issue unya siya og executive order aron pag-regulate sa pagpatukar og kusog kay makaapekto unya kini sa klase sa mga estudyante. Matod niya, makapawala unya kini sa focus sa mga estudyante.

Alang sa tuig 2020-2021, naka-record ang Department of Education (DepEd) Cebu City Division og 209,000 ka mga estudyante nga naka-enroll gikan pre-school hangtud sa senior high school.

Matod ni DepEd Cebu City Division Superintendent Rhea Mar Angtud, andam na ang online classes unya ang distribusyon sa modules kay nagpadayon pa.

“Naka-distribute nata modules 1-2, as far as I know for all subject in all grades and modules 3-4 some sorting pa na,” dugang ni Angtud.

Sigon ni Labella nga nakahangyo na siya sa kapulisan nga mohatag og assistance alang sa distribusyon sa modules.

Sumala ni Angtud nga gihatagan sad niya og leeway ang mga eskwelahan kon unsaon pag-distribute ang modules.

Gipasalig ni Angtud nga andam na ang DepEd Cebu City sa pagsugod sa klase.

Kon adunay mga problema nga masugatan, nag-andam og hotline ang DepEd Cebu City, (032) 255-1516, aron matubag ang teachers’ and students’ concerns. (JJL)


Source: Sun.Star Superbalita (https://www.sunstar.com.ph/article/1872366/Superbalita-Cebu/Balita/Kusog-nga-kanta-sa-karaoke-musika-idili-na-sa-Cebu-City?ref=rss&format=simple&link=link)

No comments