Recent Posts

Breaking News

Kompaniya mi-apply og Covid clinical trial sa Pilipinas


Ikaupat nga kompaniya nang-apply alang sa permit sa pagpahigayon sa clinical trials sa Pilipinas alang sa iyang kandidatong coronavirus disease 2019 (Covid-19) vaccine.

Sa usa ka virtual press briefing, si Food and Drug Administration (FDA) Director General Eric Domingo niingon nga ang Australian firm Clover Biopharmaceuticals AUS PTY Ltd. gipailawom sa pre-screening sa Vaccine Experts Panel (VEP).

Laing tulo nangayo usab og permiso sa pagpahigayon og

clinical trials, nga mao ang Sinovac Biotech Ltd. gikan sa China, Johnson & Johnson - Janssen Pharmaceuticals gikan sa Estados Unidos ug Gamaleya Research Institute gikan sa Russia.

Si Domingo niingon nga ang Sinovac nipasar na sa VEP evaluation, samtang gipailawom sa laing nagpadayong regulatory evaluation gikan Single Joint Research Ethics Board (SJREB) ug FDA.

Ang Janssen, sa laing bahin, padayong gipaubos sa pre-screening sa VEP.

Ang Gamaleya gipaabot nga moduso og dugang mga dokumento sa di pa magsugod ang formal evaluation sa VEP.

Ang FDA chief niingon nga wa pay giaprobahan nga clinical trial alang sa kandidato sa Covid-19 vaccines sa nasod.

“The most advanced one is still undergoing evaluation and we hope to have a decision within one to two weeks.

Either we give an approval or a denial,” nagkanayon si Domingo.

Ang clinical trial usa ka pagtuon sa mga tawo nga subject aron pagdiskobre o pagsusi epekto sa tambal alang sa usa ka produktong gisusi. Gitumong usab kini aron pagsusi sa kaluwas ug kaepektibo sa produkto. / HDT, SunStar Philippines


Source: Sun.Star Superbalita (https://www.sunstar.com.ph/article/1875236/Superbalita-Cebu/Balita/Kompaniya-mi-apply-og-Covid-clinical-trial-sa-Pilipinas?ref=rss&format=simple&link=link)

No comments