Recent Posts

Breaking News

Kawani sa local school board dakpan sa buy-bust


Usa ka kawani sa Cebu City Local School Board usa sa mga nasikop sa buy-bust mga alas 2:45 sa Huwebes sa kaadlawon, Oktubre 15, 2020 sa Barangay San Vicente, Liloan, amihanang Sugbo.

Si Police Lieutenant Colonel Randy A. Korret niila sa suspek nga si Hanna Niña Mirafuentes Dela Cuesta, 35, dalaga, taga Barangay Labangon, Dakbayan sa Sugbo.

Laing mga suspek giilang sila si Cielo Carampatana Abella, 31, ulitawo, taga Barangay Labangon, Dakbayan sa Sugbo; Abnier Dueñas Batoctoy, 38, ulitawo, taga Brgy. Tilha-ong, Consolacion; ug Chilo Roy Luchavez Dumaguit, 38, ulitawo, taga Barangay Tilha-ong gihapon.

Matod ni Korret nga ang ilang target sa operation uban sa Liloan Police Station mao si Abella.

Nakuha gikan sa mga suspek ang gibana-banang 25 gramos nga shabu nga mobalor og P170,000.

Sila si De la Cuesta ug mga kauban naa gitanggong sa Liloan Police Station ug gitakdang pasakaan og kasong kalapasan sa Republic Act 9165 kun Comprehensive Dangerous Drugs Act of 2002. (GPL)


Source: Sun.Star Superbalita (https://www.sunstar.com.ph/article/1873515/Superbalita-Cebu/Balita/Kawani-sa-local-school-board-dakpan-sa-buy-bust?ref=rss&format=simple&link=link)

No comments