Recent Posts

Breaking News

House mi-ratify sa eleksyon ni Velasco


HUMAN sa 186 ka affirmative votes, ang Ubos Balay Balauranan sa Martes, Oktubre 13, 2020, ning-ratify sa eleksyon ni Marinduque Representative Lord Allan Velasco isip bag-ong Speaker.

Ang nominal voting gipahigayon sa wa pa ang alas 12 sa udto sa Martes, sa pag-abot gyud ni Velasco ug sa iyang mga kaalyado sa plenary hall ug nibukas sa session.

Sa usa ka Facebook live video nga gisibya samtang si Velasco nihatag sa iyang acceptance speech, si Taguig-Pateros Rep. Alan Peter Cayetano nisulti sa iyang “irrevocable resignation” isip Speaker.

Apan, si Cayetano nidumili giahpon sa pag-ila sa pagkapili ni Velasco atol sa proceedings sa Celebrity Sports Plaza sa Lunes ug nanghangyo sa iyang mga kauban sa pagtahod sa alas 3 sa hapon sa schedule alang sa special session pinaagi sa pagpili og bag-ong Speaker sa mao nga higayon.

“Ang pakiusap ko sa mga kasama ko, 3 o’clock ang notice ng session. At 3 o’clock, elect your new Speaker and pass the budget,” siya niingon.

Sa House plenary hall, si acting Majority Leader Juan Pablo Bondoc niingon nga ang mga sakop sa Ubos Balay Balauranan nga nipadala sa ilang botos pinaagi sa electronic nisobra sa 200.

Siya niingon nga pipila sa botos wa ma-record atol sa session sa Lunes tungod sa teknikal nga mga problema.

“We have more than 200 congressmen, almost a pure majority, that wished to ratify you (Velasco) in person today in this hall, except that with the problems of Covid and the restrictions on travel, with the difficulty establishing internet connection, these votes are also part of the new majority that you now lead,” siya niingon.

Sayo sa Martes, ang Malacanang nikompirmar nga si Presidente Rodrigo Duterte nipatawag kanila ni Velasco ug Cayetano alang sa usa ka panagtagbo kalabot sa kasungian sa pagka speaker.

Si Presidential Spokesperson Harry Roque niingon nga ang ilang tigom gitakda sa alas 12:30 sa udto sa Malago Clubhouse ug mag-focus sa pagpasar sa 2021 budget.

Ikatulo na nga higayon, nga gitaho, nga si Duterte nipatawag sa duha ka mga kongresista kalabot sa speakership, una sa Hulyo 2019 ug ikaduha sa Septiyembre 29, 2020. Si Cayetano nidumili sa pag-ila sa eleksyon ni Velasco isip Speaker. (MVI)


Source: Sun.Star Superbalita (https://www.sunstar.com.ph/article/1873334/Superbalita-Cebu/Balita/House-mi-ratify-sa-eleksyon-ni-Velasco?ref=rss&format=simple&link=link)

No comments