Recent Posts

Breaking News

Hero mihangop sa bag-ong scholars


SUD sa 32 ka tuig, ang Hero Foundation, Inc. mipatigbabaw sa ilang misyon sa pagseguro sa matag militar nga makab-ot ang ilang pangandoy alang sa ilang pamilya.

Samtang ang nasod naningkamot batok sa pandemiya, ang Hero nagpadayon sa ilang kawsa sa pagtabang sa mga bata o anak sa nakalas nga bayani pinaagi sa paghangop sa bag-ong duha ka mga scholar.

Sila si Johanna Denise Velasco (Grade 5) ug Jody Jillian Velasco (Grade 9), mao ang labing uwahing napuno sa nagkadako nga listahan sa Hero scholars.

Ang ilang amahan, si anhing Sgt. Jaime M. Velasco Jr., (MI) sa Philippine Army usa sa mga sundawo nga namatay tungod sa serbisyo didto sa Jolo, Sulu niadtong Hunyo 29, 2020.

Sukad sa 1988, ang Hero nagsuporta sa kapin sa 2000 ka military orphans pinaagi sa pag-ayuda sa panginahanglan sa pag-eskuwela, transportasyon, pagkaon, gadgets ug labi na sa matrikula.

Niadtong Septiyembre 29, sila si Johanna ug Jody gihatagan sa ilang unang suporta isip Hero scholars.

Dihang ang mga tunghaan nibalhin sa online learning, ang scholars nag-atubang og hagit sa pag-angkon og saktong ekipo ug internet connection ubos sa bag-ong learning modalities.

Ang foundation padayong nanawagan alang sa donasyon sa gadgets sa scholars nga magamit sa ilang klase sa online.

Atol ning panahon sa paghinatagay, ang Hero Christmas Card mahimo nang mapalit diin ang donasyon alang sa piniling hatagan. Ang kita makatabang sa scholars.

Ang cash donations o bisan unsang porma sa pagsuporta sa mas gipalambo nga channel sa donasyon sa Hero. Ang donasyon mahimo pinaagi sa bank accounts online, GCash, Give2Asia, ug Lazada.

Alang sa dugang kasayoran bahin sa foundation ug unsaon pagdonar, susiha sa https://herofoundation.com.ph. (PR)


Source: Sun.Star Superbalita (https://www.sunstar.com.ph/article/1873116/Superbalita-Cebu/Balita/Hero-mihangop-sa-bag-ong-scholars?ref=rss&format=simple&link=link)

No comments