Recent Posts

Breaking News

GMA News and Public Affairs midaug sa Academy Creative Awards 2020


ANG GMA Network’s News and Public Affairs programs ug personalities mao ang National Winners sa tinahod nga Asian Academy Creative Awards (AAA) 2020, nagdominar sa news ug documentary categories.

Haligi sa GMA news pillar Jessica Soho nidaug nga Best News Anchor for GMA Network’s flagship newscast 24 Oras. Ang iyang award-winning news magazine show “Kapuso Mo, Jessica Soho: Denmark Special” maoy Best Infotainment Program.

Samtang, ang 24 Oras’ “Lakad sa EDSA” news report giila nga Best Single News Story. Si GMA News reporter Raffy Tima naglakaw sa gitas-on sa EDSA uban sa mga mamumuo nga naglakaw padulong sa trabaho human walay transportasyon atol sa community quarantine.

Ang Atom Araullo Specials’ “COVID-19: Nang Tumigil ang Mundo,” giila nga Best Documentary Program (One-off). Ang Reel Time Exclusives’ (RTx) “Ang Huling Saklolo ni Marcelo” nidaug isip Best Short Form Content. Usa kini ka online documentary sa usa ka overseas Filipino worker sa Saudi Arabia nga nanawagan og tabang sa wala pa siya namatay sa Covid-19.

Nidaug sa ikaduhang higayon isip Best Lifestyle Host mao si Drew Arellano. Si Drew naila sa iyang Biyahe ni Drew episode “Drew Hits the Road: Taiwan’s Secrets to Long Life.”

Isip National Winners, sila mao ang morepresentar sa Pilipinas sa Grand Awards and Gala Final karong Disyembre 3 ug 4. (PR)


Source: Sun.Star Superbalita (https://www.sunstar.com.ph/article/1873860/Superbalita-Cebu/Balita/GMA-News-and-Public-Affairs-midaug-sa-Academy-Creative-Awards-2020?ref=rss&format=simple&link=link)

No comments