Recent Posts

Breaking News

Duterte-Carpio: Dili ECQ ang Davao


MANINGKAMOT karon si Davao City Mayor Sara Duterte-Carpio nga mohangyo og rekonsiderasyon sa Inter-Agency Task Force (IATF) Management of Emerging Infectious Diseases ugaling sa mga adlaw mabutang ang siyudad sa Davao pagbalik sa enhanced community quarantine (ECQ) ug bisan sa modified ECQ.

Una niini, nahadlok ang mga Dabawenyo ugaling mabalik sa istriktong ECQ ang siyudad human nag-numero uno kini sa pinakadaghang kaso sa Covid-19 niadtong Biyernes.

"Definitely kung tagaan ta og ECQ or MECQ, we will request for reconsideration. Kung tagaan ta og GCQ that is thing that we will discuss with the Task Force for Covid-19 of the city government of Davao," ingon ni Duterte-Carpio atol sa regular program niini sa dcDR 87.5 FM kagahapon, Oktubre 26.

Migawas sab ang usa ka fake news sa social media nga i-anunsyo ang pagbalik sa ECQ sa Davao butang nga gihatagan kini og katin-awan sa mayor.

Luyo niini, nagkataas gihapon ang kaso sa Covid sa Dakbayan sa Davao. (Jeepy P. Compio)


Source: Sun.Star Superbalita (https://www.sunstar.com.ph/article/1874747/Superbalita-Davao/Balita/Duterte-Carpio-Dili-ECQ-ang-Davao?ref=rss&format=simple&link=link)

No comments