Recent Posts

Breaking News

Drug supplier piniriso sa Mandaue City Jail?


USA sa giingong bigtime drug pusher sa rehiyon, kinsang drug supplier giingong naa sa Mandaue City Jail nabilanggo, wa makaipsot sa buy-bust sa City Intelligence Unit (CCPO) alas 6:20 sa gabii sa Biyernes, Purok 3, Barangay Kamputhaw, dakbayan sa Sugbo.

Si Marcial Banono Rodriguez, 45, ulitawo, alias “Yalo”, nagpuyo sa nahisgutang lugar, nadakpan nila ni Major Randy Caballes, chief sa City Intelligence Unit (CIU) sa Cebu City Police Office (CCPO), kinsa nangu sa operasyon.

Si Caballes nga nahinabi sa Superbalita Cebu nagkanayon nga si Rodriguez nabutang sa 10 ka labing dako nga drug personality sa rehiyon.

Tulo ka semana nila nga gi-monitor si Rodriguez, ilang gipalitag usa ka bulto nga shabu nga mobalor og P10,000 gamit ang boodle money.

Dihang ilang nadakpan, ila kining nakuhaan og 50 gramos sa shabu nga mobalor og P340,000 base sa Dangerous Drugs Board (DDB) value.

Gibutyag ni Caballes nga si Rodriguez makabaligya og 200-300 gramos nga shabu matag simana sa Barangay Camputhaw.

Ang shabu nga gibaligya gikan sab sa kontak ni Rodriguez nga usa ka “Erwin” nga naa sa sulod sa Mandaue City Jail.

Si Rodriguez nadakpan na niadtong 2016 tungod sa kaso sa illegal nga drugas, apan nakagawas sa 2018 human naka plea bargain sa iyang kaso.


Source: Sun.Star Superbalita (https://www.sunstar.com.ph/article/1874584/Superbalita-Cebu/Balita/Drug-supplier-piniriso-sa-Mandaue-City-Jail?ref=rss&format=simple&link=link)

No comments