Recent Posts

Breaking News

DPWH moinagurar sa 7 ka mga pasilidad sa Covid


PITO ka mga bag-ong Covid-19 Healthcare Facilities nga gitukod sa Department of Public Works and Highways (DPWH) 7 inagurahan karong adlawa, Biyernes, Oktubre 23 sa Metro Cebu.

Ang DPWH migahin og pundo nga P294 million isip initial funding alang sa katukoran sa Covid-19 Temporary Treatment and Monitoring Facilites.

“DPWH has completed 13 dormitories for medical workers, 7 isolation facilities for patients with mild COVID-19 symptoms and 3 other converted isolation facilities,” matod sa ahensiya.

Lakip sa i-turn over sa DPWH nga isolation facility kining sa Mactan Cebu International Airport (MCIA), Hoops Dome, Lapu-Lapu City; Cebu City Quarantine Center (CCQC), Cebu City; North Bus Terminal, Logarta Avenue, Mandaue City; DPWH Regional Office 7, South Road Properties, Cebu City; Correctional Institution for Women, Cebu Provincial Police Office, Cebu City; ug ang Apas Evacuation Center, Cebu City.

Sa kinatibuk-an, makapapuyo ang 208 ka healthcare workers ug 279 ka mga pasyente ang maong mga pasilidad.

Aduna’y dormitory ang pito ka mga pasilidad ug aduna’y isolation centers. Matag dormitoryo adunay fully-furnished nga sala, kusina, ug labhanan aron hamugaway ang pagpuyo sa mga healthcare provider.

“The isolation facilities are equipped with a negative pressure ventilation system which blocks airborne transmission and prevents contaminated air from escaping the facility, to provide patients quality health care,” matod sa DPWH 7.

Tambongan kini nila ni DPWH 7 Regional Director Edgar Tabacon, Presidental Assistant for the Visayas Secretary Michael Lloyd Dino, Department of Health (DOH) 7 Regional Director Dr. Jaime Bernadas, Department of the Interior and Local Government (DILG) 7 Atty. Leocadio Trovela, Office of the Civil Defense (OCD) 7 Regional Director Marlou Salazar, Mactan Cebu International Airport general manager Atty. Steve Dicdican, Cebu City Mayor Edgardo Labella, Mandaue City Mayor Jonas Cortes, ug Cebu Governor Gwendolyn Garcia. / (HBL)


Source: Sun.Star Superbalita (https://www.sunstar.com.ph/article/1874342/Superbalita-Cebu/Balita/DPWH-moinagurar-sa-7-ka-mga-pasilidad-sa-Covid?ref=rss&format=simple&link=link)

No comments