Recent Posts

Breaking News

DOTr mi-review sa BRT


ANG Department of Transportation (DOTr) kay kasamtangan nga nagpahigayon sa pag-review sa detailed engineering design sa Bus Rapid Transit (BRT).

Kon makompleto na ang pag-review, ang DOTr mosugod na sa proseso sa procurement ug bidding.

Ang phase one sa BRT project nga magsugod sa Cebu South Bus Terminal padung sa Capitol kay gitan-aw nga partial na nga ma-operate sugod Disyembre sa 2021.

Si Cebu City Councilor Joel Garganera, kinsa chairman sa komite sa transportasyon, miingon nga kun uyonan sa panahon, mamahimo ang gitarget sa pagsugod og operate sa proyekto sa 2021.

“If all the stars will conspire, target date for phase one is December of 2021,” matod ni Garganera.

Ang phase two sa proyekto nga maggikan sa Bulacao/Talisay padung ngadto sa Talamban kay gitan-aw nga makompleto sad sa Marso 2022.

Ang P16 bilyones nga proyekto kay adunay gitas-on nga 39.88 ka kilometro, apil na niini ang gitas-on sa feeder lines diin ang uban maabot sa dakbayan sa Talisay.

Adunay tulo ka feeder stations ang proyekto: Talamban ngadto sa IT Park, Talisay ngadto sa Mambaling, ug Talisay ngadto sa South Road Properties.

An BRT kay apil sa Integrated Intermodal Transportation System (IITS) sa Cebu.

Ang IITS kay usa ka proyekto sa DOTr nga adunay tumong sa pagbuhat og BRT, monorail system ug cable car system.

Si Talisay City Mayor Gerald Anthony 'Samsam' Gullas Jr. miingon kon magsugod na ang operasyon sa BRT sa silingang dakbayan, kinahanglan nga maapil sad gyud ang dakbayan sa Talisay.

Base sa iyang Facebook post, adunay mga inisyal nga plano ang mga lokal nga opisyal sa dakbayan sa pagbutang og feeder terminals alang sa BRT.

“Together with our department heads from the City Assessor, City Engineering, City Planning, City Legal, City Budget and City Admin we had initial talks about possibly putting a feeder terminal for the BRT in the City of Talisay,” sigon ni Gullas. (JJL)


Source: Sun.Star Superbalita (https://www.sunstar.com.ph/article/1872365/Superbalita-Cebu/Balita/DOTr-mi-review-sa-BRT?ref=rss&format=simple&link=link)

No comments