Recent Posts

Breaking News

Dayo nga nagdala og P2.4M shabu sa Davao, signit


MOKANTIDAD sa P2.4 milyon nga gituohang shabu ang naharang sa kapulisan sa Toril Police Station ug Task Force Davao alas 2 sa hapon niadtong Lunes, Oktubre 12, 2020, didto sa TF-Davao Base checkpoint sa Barangay Sirawan, Toril, Davao City.

Si Police Major Michael Uyanguren, acting station commander sa Toril PNP, nag-ila sa suspek nga si Ronie Serato Martinez, 25, minyo, construction worker ug residente sa Paraiso, Koronadal City, South Cotabato.

Dihang girekisa ang sakyanan nga gimaneho sa suspek, nakita ang daghang pakite sa shabu. Gisulayan pa pagsibat sa suspek apan naharang kini sa may Barangay Marapangi, Toril.

Segun sa awtoridad, dugay nang naglihukan ang suspek sa ilegal nga buhat sa siyudad, apan idlas ug karon lamang gayod nasikpaw.

Kasong pagsupak sa Comprehensive Dangerous Drugs Act of 2002 ang atubangon nga kaso sa suspek didto sa korte. (Jeepy P. Compio)


Source: Sun.Star Superbalita (https://www.sunstar.com.ph/article/1873295/Superbalita-Davao/Balita/Dayo-nga-nagdala-og-P24M-shabu-sa-Davao-signit?ref=rss&format=simple&link=link)

No comments